حریم شاہ کو ڈونلڈ ٹرمپ کے ساتھ ٹک ٹاک ویڈیو بنانے کی خواہش مہنگی پڑگئی

کیا آپ میرے ساتھ ٹک ٹاک ویڈیو بنانے میں دلچسپی رکھتے ہیں؟ حریم شاہ کا ڈونلڈ ٹڑمپ سے سوال فوٹوفائل
متنازع ٹک ٹاک اسٹار حریم شاہ کو امریکی صدر ڈونلڈ ٹرمپ کے ساتھ ٹک ٹاک ویڈیو بنانے کی خواہش مہنگی پڑگئی۔
مختلف سیاسی وزرا کے ساتھ ٹک ٹاک ویڈیو بنانے والی متنازع سوشل میڈیا اسٹار حریم شاہ نے اب امریکی صدر ڈونلڈ ٹرمپ کے ساتھ ٹک ٹاک ویڈیو بنانے کی خواہش کا اظہار کیا ہے۔ انہوں نے اپنے ٹوئٹر اکاؤنٹ پر امریکی صدر کو مخاطب کرتے ہوئے لکھا’’ہیلو ڈونلڈ ٹرمپ میں پاکستان کی ٹک ٹاک اسٹار ہوں۔ کیا آپ میرے ساتھ ٹک ٹاک ویڈیو بنانے میں دلچسپی رکھتے ہیں؟‘‘
یہ بھی پڑھیں: حریم شاہ کو رمضان ٹرانسمیشن کی میزبانی کی پیشکش
Hello @realDonaldTrump, i'm a TikTok Star from Pakistan. Are you interested in making a TikTok video with me?
— Hareem Shah (@_Hareem_Shah) April 5, 2020
تاہم حریم شاہ کے اس ٹوئٹ کو سوشل میڈیا صارفین کی جانب سے زیادہ پسند نہیں کیا گیا اور کئی لوگوں نے تو ان کا مذاق اڑایا اور ان کے لیے نازیبا جملے بھی استعمال کیے۔ ایک صارف نے مذاقاً حریم شاہ کی حمایت کرتے ہوئے دیگر صارفین کو کہا مذاق نہیں اڑائیں اس ٹک ٹاک کے لیے میری پوری سپورٹ حریم شاہ کے ساتھ ہے۔

مزاق نہیں اڑا یار 😊

اس ٹک ٹاک کےلیئے میری پوری سپورٹ حریم شاہ کے ساتھ ہے
— قبلہ بڑے ڈاکٹر صاب
اشنا شاہ نامی خاتون نے حریم شاہ پر غصے کا اظہار کرتے ہوئے کہا مہربانی کرکے پاکستان کا نام نہ لیں۔
Mahrbani kr k Pak k nam na lya kryn
— Ushna khan (@mehvish88411112) April 6, 2020
واضح رہے کہ چند روز قبل حریم شاہ کے اسی ٹوئٹر اکاؤنٹ سے دعویٰ کیا گیا تھا کہ انہیں رمضان ٹرانسمیشن کی میزبانی کی پیشکش ہوئی ہے اور اگر رمضانوں میں عمرے پرپابندی برقرار رہی تو وہ رمضان ٹرانسمیشن کی میزبانی ضرور کریں گی اور لوگوں کو صحیح اسلام سکھائیں گی۔
میں نے رمظان ٹرانسمیشن سے متعلق کوئی حتمی فیصلہ نہیں کیا ۔۔ اگر اس سال عمرہ نہیں ہوا تو میں ضرور رمظان ٹرانسمیشن کی ہوسٹنگ کروں گی اور عوام کو "صحیح اسلام" سکھاؤں گی۔